ހިތުގެ ޑޮކްޓަރުންނަށް ހިލޭ ދެއްކޭ ކެމްޕެއިނެއް ޓްރީ ޓޮޕުން ފަށައިފި
އަދަދު
5 އޮކްޓޯބަރު 2025 | އާދިއްތަ | 10:51
"ހިތުގެ ވިންދުން ދުޅަހެޔޮ މާދަމަޔަށް" ނަމުގައި ހިތުގެ ޑޮކްޓަރުންނަށް ހިލޭ ދެއްކޭ ކެމްޕެއިނެއް ޓްރީ ޓޮޕް ހޮސްޕިޓަލުން މިއަދު ފަށައިފި އެވެ.
ޓްރީ ޓޮޕުން ބުނީ މުޖުތަމައުގައި ހިތުގެ ދުޅަހެޔޮކަމާއި، ހިތުގެ ބަލިތަކާއި ބެހޭ ހޭލުންތެރިކަން އިތުރުކުރުމަށް އޮކްޓޯބަރު 16، ގެ ނިޔަލަށް ކުރިއަށްގެންދާ އެ ކެމްޕެއިނަކީ އަސާސީ ހިތުގެ ފަރުވާ ފަސޭހަކަމާއެކު ލިބޭނެގޮތް ހެދުމަށް، މާލީ ހުރަސްތައް ނައްތާލުމަށް ފަރުމާކުރެވިފައިވާ ކެމްޕޭނެއް ކަމަށެވެ.
ޓްރީ ޓޮޕްގެ ސީއީއޯ ޑރ. ސްރިވަޓްސަން ސްރިދާރް ޖީ ވިދާޅުވީ އެ ކެމްޕެއިނުގެ މަގުސަދަކީ ބައިވެރިވާ މީހުންނަށް މާލީ ބުރައެއް ނެތި، ފެންވަރު މަތި ސިއްހީ ހިދުމަތާއި، ހާއްސަ ޑޮކްޓަރުންގެ މަޝްވަރާ އަދި މުހިންމު މެޑިކަލް ޓެސްޓްތައް ހެދުމުގެ ފުރުސަތު ގިނަ ބަޔަކަށް ފޯރުކޮށްދިނުން ކަމަށެވެ.