ސޮލާހު ހައްޔަރު ކުރުން ކުށްވެރިކޮށް، އޭނާ މިނިވަން ކުރަން މާފުށީ ކައުންސިލުން ގޮވާލައިފި
އަދަދު
6 އޮކްޓޯބަރު 2025 | ހޯމަ | 8:30
އޮކްޓޯބަރު 3 ވަނަ ދުވަހުގެ ރޭ އެމްޑީޕީން މާލޭގައި ކުރި ބޮޑު މުޒާހަރާގެ ތެރެއިން ހައްޔަރުކުރި މާފުށީ ކައުންސިލްގެ ރައީސް ހަސަން ސޮލާހު މިނިވަންކުރުމަށް އެ ރަށު ކައުންސިލުން ގޮވާލައިފި އެވެ.
އެ ކައުންސިލްގެ ހަތަރު މެންބަރުން އިއްޔެ ސޮއިކުރައްވައި ނެރުނު ބަޔާނުގައި ބުނެފައި ވަނީ ދިވެހިރާއްޖޭގެ ޖުމްހޫރިއްޔާގެ ގާނޫނު އަސާސީއިން ކަށަވަރު ކޮށްދީފައިވާ އެއްވެ އުޅުމާއި ހިޔާލު ފާޅުކުރުމުގެ ހައްގުގެ ތަރަހައިގެ ތެރެއިން، ސޮލާހު ހަރަކާތްތެރިވަމުން ދަނިކޮށް، ހައްޔަރުކުރުމަކީ ނުހަނު ހިތާމަކުރާ ކަމެއް ކަމަށެވެ.
ފުލުހުންގެ އެ އަމަލު އެ ކައުންސިލުން ކުށްވެރިކޮށްފައިވެ އެވެ.