މުޒާހަރާގެ ތެރެއިން ހާޓް އެޓޭކް ޖެހުނު ރަސްލާންގެ ހާލު އެޗްއާރްސީއެމްއިން ނުބަލާ
އަދަދު
6 އޮކްޓޯބަރު 2025 | ހޯމަ | 11:28
އިދިކޮޅު އެމްޑީޕީން އޮކްޓޯބަރު 3، ގައި މާލޭގައި "ލޫޓުވައިފި ލޫޓުވައިފި" މުޒާހަރާގެ ތެރެއިން ހާޓް އެޓޭކެއް ޖެހިގެން ފަރުވާދެމުން އަންނަ މުހައްމަދު ރަސްލާންގެ ހާލު މިހާތަނަށް ހިއުމަން ރައިޓްސް ކޮމިޝަން (އެޗްއާރްސީއެމް) އިން ބަލާފައި ނުވާ ކަމަށް އޭނާގެ އާއިލާއިން ބުނެފި އެވެ.
ރަސްލާންގެ އާއިލާއިން އަދަދު އާ ވާހަކަ ދައްކަމުން ބުނީ މިހާތަނަށް އެޗްއާރްސީއެމް އިން ރަސްލާންގެ ހާލު ބެލުމަށް ނުވެސް ގުޅާ ކަމަށާއި ހޮސްޕިޓަލަށް ވެސް ޒިޔާރަތް ކޮށްފައި ނުވާ ކަމަށެވެ.
"އެޗްއާރްސީއެމް އިން ނުވެސް އާދޭ (ހޮސްޕިޓަލަށް). ނުވެސް ގުޅާ،" ރަސްލާންގެ އާއިލާއިން މި ނޫހަށް ބުންޏެވެ.