ކޮންމެ ވެރިކަމެއްގައި ވެސް ކޮރަޕްޝަން ހިންގަން އެންމެ ގިނައިން ބޭނުންކުރާ އެއްޗަކީ ނަގުދު ފައިސާ ކަމަށް ރައްޔިތުންގެ މަޖިލީހުގެ ކުޑަހުވަދޫ ދާއިރާގެ މެންބަރު ހުސައިން ހަމީދު ވިދާޅުވެއްޖެ އެވެ.

ފެނަކައިގެ ބޮޑު ހިޔާނާތް ފަޅާއެރި އޮޑިޓު ރިޕޯޓާއި ގުޅިގެން މަޖިލީހަށް ހުށަހަޅާފައިވާ ގަރާރަށް ބަހުސް ކުރައްވަމުން ހަމީދު ވިދާޅުވީ، މިދިޔަ ސަރުކާރާއި މި ސަރުކާރު އަދި ކުރީގެ އެހެން ސަރުކާރުތަކުގައި ވެސް ކޮރަޕްޝަންގެ އަމަލުތައް ހިންގާ ކަމުގެ އަދި ހިންގި ކަމުގެ އަޑުތައް މެދުނުކެނޑި ފެތުރެމުންދާ ކަމަށެވެ.

"ކޮރަޕްޝަން ހިންގާން އެންމެ ބޮޑަށް ބޭނުންކުރާ އެއްޗަކީ ހަގީގަތުގަ ވެސް ނަގުދު ފައިސާ. ޕްރޮޖެކްޓުތައް ނުއަގުގަ ނަގާފަ، ޕްރޮޖެކްޓު ދޭ މީހާއަށް އޭގެން ބައި ހިފައިގެން މިދަނީ ނަގުދު ފައިސާ ކޮތަޅަށް އަޅައިގެން،" ހަމީދު ވިދާޅުވި އެވެ.

މައުޟޫޢުތަށް