ސަލާހުގެ އިނގިލި ބިންދާލި މައްސަލަ އެޗްއާރްސީއެމް އިން ބަލަން ފަށައިފި
އަދަދު
7 އޮކްޓޯބަރު 2025 | އަންގާރަ | 1:08
އިދިކޮޅު އެމްޑީޕީން އޮކްޓޯބަރު 3، ގައި ބޭއްވި ބޮޑު މުޒާހަރާގެ ތެރެއިން ހައްޔަރުކުރި މާފުށި ކައުންސިލްގެ ރައީސް، ހަސަން ސަލާހުގެ އިނގިލި ބިންދާލި މައްސަލަ ބަލަމުންދާ ކަމަށް ހިއުމަން ރައިޓްސް ކޮމިޝަން (އެޗްއާރްސީއެމް) އިން މިއަދު ބުނެފި އެވެ.
އެޗްއާރްސީއެމްގެ ޕީއާރް އޮފިސަރު އަދަދު އަށް ވިދާޅުވީ ސަލާހުއަށް އަނިޔާވީ މައްސަލަ ބަލަމުންދާ ކަމަށެވެ. އެކަމަކު އެކަމާ ގުޅޭ އިތުރު އެއްވެސް ތަފްސީލެއް އޭނާ ނުދެއްވަ އެވެ.
ސަލާހުގެ ލޯޔަރު މުސްތަފާ ހަމީދު އަދަދު އަށް ވިދާޅުވީ ސަލާހު ފުލުހުންގެ ބެލުމުގެ ދަށަށް ގެންދިޔަ ފަހުން ބިންދާލީ ވައަތުގެ ބޮޑުވައި އިނގިލި ކަމަށާއި އޭނާގެ ކަނާއަތް ފަރާތު އަރިކަށީގައި ވެސް ޒަހަމެއް ހުރި ކަމަށެވެ.