މުއިއްޒުގެ ވާހަކަ ރައްޔިތުން ގަބޫލު ނުކުރަނީ ބަހާއި އަމަލު ދިމާނުވާތީ: އައްބާސް
އަދަދު
8 އޮކްޓޯބަރު 2025 | ބުދަ | 7:33
ރައީސް މުހައްމަދު މުއިއްޒު ދައްކަވާ ވާހަކަ ރައްޔިތުން ގަބޫލު ނުކުރަނީ އެ މަނިކުފާނުގެ ބަހާއި އަމަލު ދިމާނުވާތީ ކަމަށް ވެލިދޫ ދައިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.
އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ ވެރިކަމަށް ދެ އަހަރުވާން ގާތްވެފައި ވާއިރު، ރައީސް މުހައްމަދު މުއިއްޒު ވެވަޑައިގެންނެވި ގިނަ ވައުދުތައް ނުފުއްދި، ތިން ވަނަ ފަހަރަށް ވައުދުތައް ތަކުރާރުކުރައްވަމުން ގެންދަވާ ކަމަށެވެ.
ވެރިކަމަށް ވަޑައިގެންނެވުމަށް މުއިއްޒު އެތަކެއް ކަމެއް ކުރައްވަ ވައުދުވެވަޑައިގެންނެވި ކަމަށާއި އޭގެ ފަހުން ރައްޔިތުންގެ މަޖިލީހުގެ އިންތިހާބުގައި އަތޮޅުތަކަށް ވަޑައިގެން ވެސް އެ ވައުދުތައް ތަކުރާރު ކުރެއްވި ކަމަށް އައްބާސް ވިދާޅުވި އެވެ.