ކޮވިޑުގެ ބަލިމަޑުކަމުގެ ދުވަސްވަރު ރާއްޖެއިން އޯޑަރު ކުރި ވެންޓިލޭޓަރުތަކުގެ ބަދަލު ހޯދުމަށް އާބިޓްރޭޝަނަށް ހުށަހެޅި މައްސަލައިގައި ވެންޓިލޭޓަރު ގެންނަން ފައިސާ ދިން ދުބާއީގެ އެގްޒެކިއުޓާސް ޖެނެރަލް ޓްރޭޑިން ކުންފުނިން ދިވެހި ސަރުކާރަށް 37 މިލިއަން ރުފިޔާ ދައްކަން އަމުރުކޮށްފި އެވެ.

މައުލޫމާތު ލިބިފައިވާ ގޮތުގައި ދުބާއީގެ ކޯޓުން އެ ކުންފުނީގެ މައްޗަށް ދެވަނަ އަމުރެއް ނެރުނީ އިއްޔެ އެވެ. މި މައްސަލާގައި ހިމެނޭ ވެންޓިލޭޓަރުތަކުގެ އަގަކީ 31,052,025ރ. އެވެ.

ފެބްރުއަރީ 26، 2024، ގައި ފުރަތަމަ ނެރުނު އަމުރުގައި، ތަކެތި ނުލިބުމުގެ ސަބަބުން ލިިބިފައިވާ ގެއްލުމުގެ ބަދަލާ އެކު ޖުމުލަ 32,574,750ރ. އަދި އާބިޓްރޭޝަން ފީއަށް ހަރަދުކުރި 132،865.56ރ. ދެއްކުމަށް އަންގާފައިވެ އެވެ. އިއްޔެ ކުރި ހުކުމުގައި 37 މިލިއަން ރުފިޔާ ދައްކަން އެންގީ ޖޫރިމަނާ ހިމަނައިގެންނެވެ.

މައުޟޫޢުތަށް