އޮކްޓޯބަރު 3، ގެ މުޒާހަރާގައި ބައިވެރިވި މީހުން ސަރުކާރު ކުންފުނިތަކުގެ ވަޒީފާއިން ވަކި ކުރަން ފަށައިފި
އަދަދު
9 އޮކްޓޯބަރު 2025 | ބުރާސްފަތި | 9:06
އޮކްޓޯބަރު 3، ގައި އިދިކޮޅު އެމްޑީޕީން މާލޭގައި ކުރިއަށް ގެންދިޔަ މުޒާހަރާގައި ބައިވެރި ސަރުކާރު ކުންފުނިތަކުގެ މުވައްޒަފުން ވަޒީފާއިން ވަކި ކުރަން ފަށައިފި އެވެ.
މި ނޫހަށް މައުލޫމާތު ލިބިފައިވާ ގޮތުގައި ސަރުކާރުގެ އެކި ކުންފުނިތަކުން ދަނީ އެމްޑީޕީގެ މުޒާހަރާއަށް ދިޔަ މުވައްޒަފުންނަށް ވަޒީފާގެ ބިރު ދައްކަމުންނެވެ. ބައެއް މުވައްޒަފުން ވަނީ ވަޒީފާއިން ވަކި ވެސް ކޮށްފަ އެވެ.
ވަޒީފާއިން ވަކި ކުރި މީހުންގެ ތެރޭގައި ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ ދެ މުވައްޒަފަކު ހިމެނެ އެވެ. އެ ދެ މުވައްޒަފުންނަކީ އެ ކުންފުނީގެ ސީނިއާ ބިލްޑިން މެއިންޓަނަންސް ގެ މަގާމުގައި ހުރި މުހައްމަދު ނިޝާމް އަދި ސީނިއާ ލޮޖިސްޓިކްސް އޮފިސަރު އަބްދުﷲ ވަހީދެވެ.