މުއިއްޒު ހުޅުވައިދެއްވި ޑިވެލޮޕްމެންޓު ބޭންކުގެ ހިދުމަތް ދޭން ޝަރުތުކުރި މުއްދަތު ހަމަވިއިރު ވެސް ހިދުމަތް ދޭން ނުފެށުނު!
އަދަދު
13 އޮކްޓޯބަރު 2025 | ހޯމަ | 10:07
އުމްރާނީ ތަރައްގީއަށް ލޯނު ދޫކުރަން ހާއްސަކޮށް ރައީސުލްޖުމްހޫރިއްޔާ މުހައްމަދު މުއިއްޒު ހުޅުވައިދެއްވި މޯލްޑިވްސް ޑިވެލޮޕްމެންޓް ބޭންކުން ހިދުމަތް ދިނުމަށް ޝަރުތު ކުރި މުއްދަތު ހަމަވިއިރު ވެސް އެތަނުން ހިދުމަތް ދޭން ނުފެށުނެވެ.
ދެމެހެއްޓެނިވި އިގްތިސާދީ އަދި އިޖުތިމާއީ ތަރައްގީއަށް އިންވެސްޓުކުރުމާއި އުމްރާނީ ތަރައްގީއަށް ބޭނުންވާ ފައިސާ ހޯދުމުގެ އަމާޒުގައި މި ސަރުކާރުން އުފެއްދި ޑިވެލޮޕްމެންޓް ބޭންކު "ހުޅުވީ" މިދިޔަ ނޮވެމްބަރު 16، ގައި ރައީސް މުހައްމަދު މުއިއްޒު އެވެ.
ޑީބީއެމް ހިންގަން ބޭނުންވާ ލައިސެންސް މޯލްޑިވްސް މަނިޓަރީ އޮތޯރިޓީން ދޫކުރީ އަހަރެއްގެ ތެރޭގައި ބޭންކިން ހިދުމަތް ދިނުމަށް ޝަރުތު ކުރުމަށް ފަހު އޮކްޓޯބަރު 13، 2024, ގައި އެވެ. އެ ދުވަހުން ފެށިގެން އެއް އަހަރު ހަމަވި ދުވަހަކީ އިއްޔެ އެވެ.