އަތޮޅު ކައުންސިލް އުވާލުމާއެކު އަންނަ އަހަރަށް ބަޖެޓު ހުށަހަޅާއިރު ރަށު ކައުންސިލްތަކާއި ޑަބްލިއުޑީސީގެ ބްލޮކް ގްރާންޓް ބޮޑުކުރެވޭނެ ކަމަށް ރައީސް މުހައްމަދު މުއިއްޒު ރޭ ވިދާޅުވެއްޖެ އެވެ.

ށ. އަތޮޅަށް ކުރައްވާ ދަތުރުގައި ބިލެތްފަހި ރައްޔިތުންނާ ބައްދަލުކުރައްވާ މުއިއްޒު ވިދާޅުވީ އަތޮޅު ކައުންސިލްތައް އުވާލުމުން ސިޓީ ކައުންސިލްތަކާއި ރަށު ކައުންސިލްތަކަށް ބަޖެޓް ހަމަޖައްސާއިރުގައި ރަށު ކައުންސިލްތަކަށް މިހާރު ހަމަޖައްސާފައި އޮންނަ ޕަސެންޓް ބޮޑުކުރާނެ ކަމަށެވެ.

"ސިޓީ ކައުންސިލްތަކާއި އަތޮޅު ކައުންސިލްތައް އަދި ރަށު ކައުންސިލްތައް އޮންނައިރުގައި އަތޮޅު ކައުންސިލްތައް އަޅުގަނޑުމެން މި އުވާލަނީ. އުވާލީމަ ދެން ސިޓީ ކައުންސިލްތަކާއި ރަށު ކައުންސިލްތަކަށް ބަޖެޓް ހަމަޖައްސާއިރުގައި ރަށު ކައުންސިލްތަކަށް މިހާރު މިއިންނަ ޕަސެންޓޭޖް އަޅުގަނޑުމެން އެބަ ބޮޑުކުރަން." މުއިއްޒު ވިދާޅުވީ އެވެ.

މައުޟޫޢުތަށް