ޗާގޯސް ޖަޒީރާއަކީ މޮރިޝަސްގެ ބަޔެއް ކަމަށް ބަލައި ރާއްޖޭގެ އީއީޒެޑުން ބައެއް ގެއްލޭ ގޮތަށް އިންޓަނޭޝަނަލް ޓްރައިބިއުނަލް އޮފް ދަ ސީސް (އިޓްލޮސް)އިން ނިންމި މައްސަލާގެ ތެރެއިން ދިވެހި ދައުލަތަށް ގެއްލުންވާނެ ފަދަ ލިޔެކިޔުންތަކެއް އޭރުގެ ބަންޑާރަނައިބު އިބްރާހިމް ރިފްއަތު ބޭރުގެ ބަޔަކަށް ދިން ކަމަށް ބުނާ ވާހަކަ ބަންޑާރަނައިބު އަހުމަދު އުޝާމް ދޮގުކުރައްވައިފި އެވެ.

އުޝާމް ގެންދަވަނީ މިއަދު މަޖިލީހަށް ހާޒިރުވެ މެންބަރުންގެ ސުވާލުތަކަށް ޖަވާބު ދެއްވަމުންނެވެ. އޭގެތެރެއިން ވެރިކަންކުރާ ޕީއެންސީއަށް ނިސްބަތްވާ ހުޅުދޫ ދާއިރާގެ މެންބަރު މުހައްމަދު ޝާހިދު ވަނީ ކުރީ ސަރުކާރުން ދެކުނު ކަނޑު "ބޭރުގެ ބަޔަކަށް ދިނީ" މަސް ބާނަ ބާނާ ތިއްބާ ކަމަށެވެ.

އެ މައްސަލާގެ ތެރެއިން ކުރީގެ އޭޖީ ރިފްއަތުގެ ދައުލަތަށް ގެއްލުންވާނެހެން، ދައުލަތުގެ ލިޔެކިޔުންތަކެއް ބޭރުގެ ބަޔަކަށް ދިން ކަމަށް އޭރު އަޑުފެތުރުނު ކަމަށެވެ. ރިފްއަތު މިކަން ކުރިކަން އެނގެން އޮތްތޯ ޝާހިދު ވަނީ އުޝާމް އާއި ސުވާލު ކުރައްވާފަ އެވެ.

މައުޟޫޢުތަށް