އައިޝަތު އަލީއަށް ކުރާ ތުހުމަތު އޭސީސީއަށް ސާފުނުކޮށްދެވޭ ކަމަށް ވަކީލުން ބުނެފި
އަދަދު
15 އޮކްޓޯބަރު 2025 | ބުދަ | 12:31
ކުރީ ސަރުކާރުން 2019 ގައި އުފެއްދި ޑިސްޕިއުޓް ރިޒޮލިއުޝަން ކޮމިޓީން ބަދަލު ދިން މައްސަލައާ ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން ކުރީގެ އެޑިއުކޭޝަން މިނިސްޓަރު، ޑރ. އައިޝަތު އަލީއަށް ކުރާ ތުހުމަތު ސާފުނުކޮށްދެވުނު ކަމަށް އޭނާގެ ގާނޫނީ ވަކީލުން މިއަދު ވިދާޅުވެއްޖެ އެވެ.
އައިޝަތު އަލީގެ ގާނޫނީ ވަކީލުންގެ ޓީމުގައި ހިމެނޭ އަހްމަދު މައުރޫފް ނޫސްވެރިންނަށް މައުލޫމާތު ދެއްވަމުން ވިދާޅުވީ އައިޝަތު އަލީ މިއަދު އޭސީސީއަށް ހާޒިރުކޮށްގެން އޭނާއަށް ކުރާ ތުހުމަތު އެ ކޮމިޝަނަށް ސާފުކޮށްދޭން ގިނަ ވަގުތު ހޭދަވި ކަމަށެވެ.
އޭނާ ވިދާޅުވީ އައިޝަތު އަލީއަށް ކުރާ ތުހުމަތުގައި ބަދަލު ދޭން ލަފާދިން ކޮމިޓީގައި އިންނެވި ކަމަށް އޭސީސީސީން ބުނާއިރު އެއީ އެއްވެސް ގޮތެއް ނިންމި ކޮމިޓީއެއް ނޫން ކަމަށެށާއި އެ ކޮމިޓީގައި އައިޝަތު އަލީ ހުންނަވަނީ ދާއިމީ މެންބަރެއް ގޮތުގައި ނޫން ކަމަށެވެ.