މަޖިލީހުގެ މި ދައުރުގެ ތެރޭ އަބުރުގެ ބިލެއް ސަރުކާރުން ހުށަހަޅަން މަސައްކަތް ކުރަނީ
އަދަދު
15 އޮކްޓޯބަރު 2025 | ބުދަ | 1:33
އަބުރުގެ ގާނޫނުގެ ބިލެއް ރައްޔިތުންގެ މަޖިލީހުގެ މި ދައުރުގެ ތެރޭ ހުށަހެޅުމަށް ސަރުކާރުން މަސައްކަތްކުރަމުންދާ ކަމަށް ބަންޑާރަނައިބު އަހުމަދު އުޝާމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ޖަލްސާގައި އުޝާމް އާއި ސުވާލުކުރައްވަމުން އަބުރުގެ ގާނޫނުގެ ވާހަކަ ފާހަގަކުރެއްވީ މަނަދޫ ދާއިރާގެ މެންބަރު އަދި މަޖިލީހުގެ ޖުޑީޝަރީ ކޮމިޓީގެ މުގައްރިރު ހުސްނީ މުބާރިކު އެވެ.
މުބާރިކު ފާހަގަކުރެއްވީ އާންމު ގަވާއިދުތަކާއި ބެހޭ ގާނޫނުގެ ދަށުން ބާރު ލިބިދިން ގަވާއިދުތަކުގެ ތެރެއިން ގަވާއިދަކަށް ނުހެދި މިހާރު އޮތީ އަބުރާއި ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ގަވާއިދު ކަމަށެވެ. އެ ގަވާއިދު ގާނޫނަކަށް ބަދަލުކުރަން ހުށަހެޅޭނީ ކޮން އިރަކުތޯ އޭނާ ބަންޑާރަނައިބާ ސުވާލުކުރެއްވި އެވެ.