ކައިރިކައިރީގައި އެއާޕޯޓު އަޅާތީ ނަޝީދުގެ ފާޑުކިޔުން، ވިދާޅުވީ ދަތުރުފަތުރުގެ ނިޒާމުގެ ޕްލޭނެއް ނެތް ކަމަށް
އަދަދު
16 އޮކްޓޯބަރު 2025 | ބުރާސްފަތި | 7:21
ލޯންޗުގައި 30 މިނެޓުން ދަތުރުކޮށްފައި ދެވޭހާ ކައިރިކައިރީގައި އެއާޕޯޓު އަޅަމުންދާތީ ކުރީގެ ރައީސް މުހައްމަދު ނަޝީދު ފާޑުވިދާޅުވެއްޖެ އެވެ.
ރައީސް މުހައްމަދު މުއިއްޒު ށ. އަތޮޅަށް ކުރައްވަމުން ގެންދަވާ ދަތުރުގެ ތެރެއިން އެ އަތޮޅުގައި ދެ އެއާޕޯޓެއްގެ މަޝްރޫއު ވަނީ ފަށާފަ އެވެ. ރާއްޖޭގައި މިވަގުތު ވެސް އޮޕަރޭޝަނަލް ހާލަތުގައި 20 އެއާޕޯޓު އޮތްއިރު އޭގެތެރެއިން ހަތަރު އެއާޕޯޓު އޮންނަނީ ބޮޑުތިލަދުންމަތީގަ އެވެ.
ނަޝީދު ވަނީ އެ އެއާޕޯޓުތައް އޮއްވައި އިތުރު އެއާޕޯޓު އަޅަން ނިންމީ 19 މިނެޓާއި 36 މިނެޓާ ދެމެދުގެ ދަތުރަކުން ލޯންޗުގައި ދެވޭނެހާ ކައިރީގައި އޮތް ރަށްރަށުގައި ކަމަށް ވިދާޅުވެފަ އެވެ. އޭގެ ސަބަބުން އެތަކެއް ގެއްލުމެއް ލިބޭނެކަން ނަޝީދު ފާހަގަކުރެއްވި އެވެ.