ޝަހީމްގެ ނަމުގައި އޮޅުވާލައިގެން ފޭދޫ އިމާމުން ގެންގޮސް ވަކިވުމުގެ ވޯޓަށް ކެމްޕޭނުކޮށްފި
އަދަދު
18 އޮކްޓޯބަރު 2025 | ހޮނިހިރު | 1:38
ސ. ފޭދޫ އިމާމުންނާ ބައްދަލު ކުރުމަށް ކަމަށްބުނެ އިސްލާމިކް މިނިސްޓަރު، ޑރ. ޝަހީމް އަލީ ސައީދުގެ ނަމުގައި އޮޅުވާލައިގެން ފޭދޫ ދެކުނު ދާއިރާގެ މަޖިލިސް މެންބަރު، އިބްރާހިމް ދީދީ (އައިބީ) އާއި ހޯމް މިނިސްޓަރު، އަލީ އިހުސާން އެ ރަށުގައި ބައްދަލުވުމެއް ބާއްވައިފި އެވެ.
ފޭދޫ އިމާމުންނާ މިނިސްޓަރު ޝަހީމް ބައްދަލުކުރައްވަން ބޭނުންވެވަޑައިގަންނަވާ ކަމަށް ބުނެ ފޮނުވި މެސެޖުގައި ބުނެފައި އޮތީ އެ ބައްދަލުވުން އޮންނާނީ މިއަދު ހެނދުނު 11:00 ގައި ފޭދޫ އޮފީހުގައި ކަމަށެވެ.
ނަމަވެސް އެ ބައްދަލުވުމަށް އިމާމުން ދިޔައިރު، ބައްދަލުވުމުގައި މިނިސްޓަރު ޝަހީމް ބައިވެރިވެވަޑައިގެން ނުވެސް ނެތް ކަމަށް އެ ބައްދަލުވުމަށް ހާޒިރުވި މީހުން ބުންޏެވެ. އެމީހުން ބުނީ އެ ބައްދަލުވުން ކުރިއަށް ގެންދިޔައީ މަޖިލިސް މެންބަރު، އައިބީ އާއި އެނާގެ ދަރިކަލުން މިނިސްޓަރު، އިހުސާން ކަމަށެވެ.