އައްޑޫ ސިޓީ ކައުންސިލް އެއް ކައުންސިލެއްގެ ގޮތުގައި ބޭއްވުމުގެ ބަދަލުގައި ވަކިވަކި ރަށްރަށުގައި ކައުންސިލްތައް ގާއިމު ކުރުމާ ގުޅޭ ގޮތުން އާންމުންގެ ހިޔާލު ހޯދަން އަންނަ ހޮނިހުރު ދުވަހު ނަގާ ވޯޓުގައި ސަރުކާރަށް ފެންނަ ރަނގަޅު ގޮތެއް ނެތުމަކީ ހިތްދަތި ކަމެއް ކަމަށް ކުރީގެ ބަންޑާރަނައިބު، ދިޔާނާ ސައީދު ވިދާޅުވެއްޖެ އެވެ.

އެކްސްގައި ދިޔާނާ ކުރެއްވި ޕޯސްޓެއްގައި ވިދާޅުވީ އައްޑޫގައި ވަކިވަކި ކައުންސިލްތައް ގާއިމު ކުރުމާ ބެހޭ ގޮތުން އާންމުންގެ ހިޔާލު ހޯދަން ނަގާ ވޯޓަކީ އައްޑޫގެ ބޮޑު ބައެއްގެ މުސްތަގުބަލާ ގުޅިފައިވާ ވޯޓެއް ކަމަށެވެ.

"ރާއްޖޭގެ ދެވަނައަށް އެންމެ އާބާދީ ބޮޑު ސަރަހައްދުގެ މުސްތަގުބަލާމެދު ނަގާ މި ކްރިޓިކަލް ވޯޓުގައި ސަރުކާރަށް ފެންނަ ރަނގަޅު ގޮތެއް ނެތުމަކީ ބިރުވެރި، ދެރަވަރު، ހިތްދަތި ކަމެއް،" ދިޔާނާ ވިދާޅުވި އެވެ.

މައުޟޫޢުތަށް