ޗައިނާ ކުންފުންޏާއެކު ހެދި އެމްއޯޔޫއަށް ހުރުމަތްތެރިކޮށް ނުހިތާ ލ. މެރިޓައިމް ހަބު ތަރައްގީ ކުރާނެ ބަޔަކު އަލުން ހޯދަނީ
އަދަދު
21 އޮކްޓޯބަރު 2025 | އަންގާރަ | 12:08
ޓްރާންސްޝިޕްމަންޓު ބަނދަރަކާއި ބަންކަރިންގެ ހިދުމަތް ހިމެނޭ ގޮތަށް މީގެ ދޮޅު އަހަރު ކުރިން ޗައިނާގެ ކުންފުންޏަކާ ތަރައްގީކުރަން ހަވާލުކޮށްފައި އޮތް ލ. މެރިޓައިމް ހަބު މަޝްރޫއުގެ އެމްއޯޔޫއަށް ހުރުމަތްތެރިކޮށް ނުހިތާ އެ މަސައްކަތް ކުރާނެ ބަޔަކު އަލުން ހޯދަމުންދާ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.
މިދިޔަ އަހަރުގެ އެޕްރީލް މަހު މުއިއްޒު ލ. އަތޮޅަށް ކުރެއްވި ދަތުރުގެ ތެރެއިން ފޮނަދޫ ރައްޔިތުންނާއެކު ބޭއްވި ބައްދަލުވުމުގައި މި މަޝްރޫއު ކުރިއަށް ގެންދިޔުމަށް ސަރުކާރުން އެމްއޯޔޫއެއްގައި ސޮއިކުރީ ޗައިނާ ސީއޭއެމްސީ އިންޖިނިއަރިން ކޮމްޕެނީ ލިމިޓެޑް (ސީއޭއެމްސީއީ) އާއެކު އެވެ.
އެޕްރީލް 11، 2024، ގައި ސަރުކާރުގެ ކުންފުނި އެމްޕީއެލްގެ ފަރާތުން މި ފަހުމުނާމާގައި ސޮއިކުރެއްވީ އެ ކުންފުނީގެ ސީއީއޯ މުހައްމަދު ވަޖީހު އިބްރާހިމް އެވެ. ނަމަވެސް، މަޝްރޫއުގެ އެއްވެސް ކަމެއް މި ފާއިތުވި ދޮޅު އަހަރުގެ ތެރޭ ކުރިއަށް ނުދެ އެވެ.