ކޮންޓްރެކްޓަރުންނަށް ފައިސާ ދެއްކުމަށް ޕެންޝަން އޮފީހުން ގަނެފައި ހުރި ޓީބިލުތަކެއް އެމްއެމްއޭއަށް ގަނެ، އެ ފައިސާ ބޭނުންކޮށްގެން ޕެންޝަން އޮފީހަށް ބޮންޑެއް ވިއްކުމަކީ ފައިސާ ޗާޕު ކުރުން ނޫން ކަމަށް ބުނެ މުހައްމަދު މުއިއްޒު ދޮގުހައްދަވައިފި އެވެ.

މިއީ ގާނޫނުގައި ބުނާ ފައިސާ ޗާޕުކުރުމުގެ މާނައަށް ނުފެތޭ މުއާމަލާތެއް ނަމަވެސް، ނުސީދާ ގޮތުން ސަރުކާރުގެ ހަރަދުތައް ފޫބައްދަން އެމްއެމްއޭ މެދުވެރިކޮށް ނަގާ ފައިސާއަކަށް ވާތީ މަނީ ބޭސް އިތުރުވެ އެވެ. އަދި ސަރުކާރުގެ ޑެފިސިޓު ފައިނޭންސް ކުރަން މި ފައިސާ ބޭނުންކުރެވެ އެވެ. އެހެންކަމުން އެ ޗާޕުކުރެވެނި ފައިސާ އެވެ.

ނަމަވެސް، ލ. ފޮނަދޫގައި ރޭ ބޭއްވި ޖަލްސާއެއްގައި މުއިއްޒު ވިދާޅުވީ އެމަނިކުފާނުގެ ވެރިކަމަށް ދެ އަހަރު ވާން ދާއިރު "ފުނިޖެހިފައި" ހުރި ބިލުތަކަށް ފައިސާ ދައްކަނީ ފައިސާ ޗާޕުނުކުރާނެ ކަމަށް ވެވަޑައިގެންނެވި ރިޔާސީ ވައުދާ ހިލާފު ނުވެ ކަމަށެވެ.

މައުޟޫޢުތަށް