މާލީ ހިސާބުތައް ހާމަނުކުރާތާ މަހެއް، މިނިސްޓަރު އަތޮޅު ބުރު ޖެއްސެވުމުގައި
އަދަދު
22 އޮކްޓޯބަރު 2025 | ބުދަ | 8:05
މާލީ ހިސާބުތައް ނެރުން މެދު މެދުކަނޑާލައި ވޭތުވެދިޔަ މަސް ދުވަހު ދައުލަތަށް ލިބުނު ފައިސާ އާއި ކުރި ހަރަދުތަކުގެ ތަފުސީލު ފިނޭންސް މިނިސްޓްރީން ސިއްރުކޮށްފި އެވެ.
އެ މިނިސްޓްރީން އެންމެ ފަހުން ވީކްލީ ފިސްކަލް ރިޕޯޓު ނެރުނީ ސެޕްޓެމްބަރު 23، ގަ އެވެ. އެ ފަހަރު އާންމުކުރީ އެ މަހުގެ 18، އާ ހަމައަށް ހިނގާފައިވަ ހަރަދުތަކާއި ލިބުނު އާމްދަނީ ތަފުސީލެވެ.
މާލީ ހިސާބުތައް ސިއްރުކޮށް ފައިވާއިރު، އަސްކަރީ ޑްރޯންތަކެއް ތުރުކީން ގެނެސްފައިވެ އެވެ. އެ ޑްރޯންތައް ގަތުމަށް ހޭދަކުރި ވަރެއް، ނުވަތަ އެއީ ހިލޭ ލިބުނު އެއްޗެހި ކަމެއް ވެސް ސަރުކާރުން ހާމައެއް ނުކުރެ އެވެ.