ކަނޑާއި ވައިގެ ސަރަހައްދު ބަލަހައްޓަން އެމްއެންޑީއެފްއަށް މި މަހު ގެނައި ބައިރަކްތާރު ޓީބީ-2 ޑްރޯން ތަކާއެކު، އެ އުޅަނދުތަކުގައި ހަރުކުރަން ހަތިޔާރު ޝިޕްމަންޓެއް ވެސް ގެނައިކަން އެނގިއްޖެ އެވެ.

މީގެ ކުރިން މި ނޫހަށް މައުލޫމާތު ލިބިފައިވާ ގޮތުގައި މިފަހަރު ދިވެހި އަސްކަރިއްޔާގެ ބޭނުމަށް ގަނެފައިވަނީ ބައިކާރު ކުންފުނިން އުފައްދާ "ބައިރަކްތާރު އަކިންޗީ" ޑްރޯންތަކެކެވެ. ނަމަވެސް، މިހާރު ކަށަވަރުވެފައިވާ ގޮތުގައި އެމްއެންޑީއެފް އިން ގެނެސްފައިވަނީ ޓީބީ-2 މަރުކާގެ ތިން ޑްރޯން އެވެ.

މި ޑްރޯންތަކާއެކު ގެނައި ހަތިޔާރުތަކުގެ އަދަދެއް ނޭނގެ އެވެ. އެއް މަސްދަރުން މައުލޫމާތު ދިން ގޮތުގައި ދެތިން ކޮންޓެއިނަރުގެ ހަތިޔާރު އައްޑޫއަށް ގެނެސްފައިވެ އެވެ. ޓީބީ-2 ޑްރޯންތަކުގައި ހަތަރު ޕޭލޯޑު ހަރުކުރެވެ އެވެ.

މައުޟޫޢުތަށް