ބޯހިޔާވަހިކަމުގެ ހައްގަށް މި ސަރުކާރުން އަރައިގެންފައިވާތީ އޮކްޓޫބަރު 31، ގައި އެމްޑީޕީން ބޮޑު އެއްވުމެއް ބާއްވަނީ
އަދަދު
22 އޮކްޓޯބަރު 2025 | ބުދަ | 3:44
ދިވެހިރާއްޖޭގެ ރައްޔިތުންގެ ބޯހިޔާވަހިކަމުގެ ހައްގަށް މި ސަރުކާރުން އަރައިގަންނަމުންދާ ކަމަށް ބުނެ މިމަހުގެ 31، ގައި ބޮޑު އެއްވުމެއް ބާއްވަން ނިންމާފައިވާ ކަމަށް އިދިކޮޅު އެމްޑީޕީން ބުނެފި އެވެ.
އެ ޕާޓީން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ކެންދޫ ދާއިރާގެ މަޖިލިސް މެންބަރު، މައުރޫފް ޒާކިރު ވިދާޅުވީ އޮކްޓޫބަރު 31، ގައި ބާއްވާ އެއްވުމަކީ ބޯހިޔާވަހިކަމަށް ހާއްސަ އެއްވުމެއް ކަމަށެވެ.
"ދިވެހި ރައްޔިތުންގެ ބޯހިޔާވަހިކަމަށް ރައީސް މުއިއްޒު އަރައިގަންނަމުންދާ އަރައިގަތުން ހުއްޓުވުމަށްޓަކައި އެމްޑީޕީން އޮކްޓޫބަރު 31، ގައި މި ބާއްވަނީ ބޮޑު އެއްވުމެއް، ބޯހިޔާވަހިކަމަށް ހާއްސަ،" މައުރޫފް ވިދާޅުވި އެވެ.