މީޑިއާތައް ސެލްފް ރެގިއުލޭޓު ކުރެވޭ ގޮތަަށް މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން އުފައްދާ އާ ޕްރެސް ކައުންސިލުގެ ހިންގާ ގަވާއިދަށާއި ޝަކުވާ ބަލާނެ ގޮތުގެ ޑްރާފްޓް އުސޫލަށް ހިޔާލު ހުށަހެޅުމުގެ ފުރުސަތު ހުޅުވާލައިފި އެވެ.

އެމްޖޭއޭއިން ޕްރެސް ކައުންސިލެއް އުފައްދަން ނިންމީ ދިވެހިރާއްޖޭގެ މިނިވަން މީޑިއާ ނައްތައިލުމަށް މަޖިލީހުން ފާސްކުރި ކޮންޓްރޯލް ބިލު ރައީސުލްޖުމްހޫރިއްޔާ ތަސްދީގު ކުރުމާއެކު މީޑިއާތައް ސެލްފް ރެގިއުލޭޓު ކުރެވޭ ގޮތަށް އޮތް މީޑިއާ ކައުންސިލް އުވިގެން ދިޔުމާ ގުޅިގެންނެވެ.

އެމްޖޭއޭއިން އިސްނަގައިގެން ރާއްޖޭގެ މީޑިއާތަކާ ގުޅިގެން ސެލްފް ރެގިއުލޭޓަރީ ކައުންސިލެއް އެކުލަވައިލުމުގެ މަސައްކަތް ކުރަމުން ދަނީ ނޫސްވެރިންގެ ތެރެއިން ހޮވައިލެވުނު ފްރީ ޕްރެސް ކައުންސިލް ކޮމިޓީންނެވެ. އެ ކޮމިޓީން ވަނީ އާ ޕްރެސް ކައުންސިލުގެ ހިންގާ ގަވާއިދާއި މެންބާޝިޕް އުސޫލުގެ އިތުރުން ޝަކުވާ ބަލާނެ ގޮތުގެ ޑްރާފްޓް އުސޫލެއް އެކުލަވާލައިފަ އެވެ.

މައުޟޫޢުތަށް