ޕީޕަލްސް ނޭޝަނަލް ފްރަންޓު (ޕީއެންއެފް) ގެ ރައީސް ކަމަށް އެ ޕާޓީ އުފެއްދެވި ކުރީގެ ރައީސް އަބްދުﷲ ޔާމީން ކުރިމަތިލައްވައިފި އެވެ.

ޕީއެންއެފްގައި އިސްކޮށް އުޅުއްވާ ކުރީގެ މިނިސްޓަރު މުހައްމަދު މަލީހު އަދަދު އަށް ވިދާޅުވީ ޕާޓީގެ ރައީސް ކަމަށް ޔާމީން ފިޔަވާ އެހެން ބޭފުޅަކު ކުރިމަތިނުލައްވާ ކަމަށެވެ. އެހެންކަމުން ވޯޓަކަށް ނުގޮސް ޔާމީނަށް މަގާމު ލިބުމާމެދު ގޮތެއް ނިންމާނީ މި މަހު 30 ގައި ބާއްވަން ނިންމާފައިވާ އެ ޕާޓީގެ އާންމު ޖަލްސާގައި ކަމަށް އޭނާ ވިދާޅުވި އެވެ.

ޕާޓީގެ ރައީސްގެ އިތުރުން ދެ ނައިބު ރައީސުން، ސެކްރެޓަރީ ޖެނެރަލް، ރަޖިސްޓްރާ، ހަޒާންދާރު، އަދި 14 ސެނެޓު މެންބަރުންގެ މަގާމުތަކަށް ޖުމްލަ 55 މެންބަރުން ކުރިމަތިލާފައިވާ ކަމަށް ވެސް މަލީހު ވިދާޅުވި އެވެ. އެ މަގާމުތަކަށް މެންބަރުން އިންތިހާބުކުރުން ވެސް ބާއްވާނީ އޮކްޓޯބަރު 30، ގެ ޖަލްސާގަ އެވެ.

މައުޟޫޢުތަށް