އައްޑޫ ސިޓީ ކައުންސިލް، އެއް ކައުންސިލެއްގެ ގޮތުގައި ބޭއްވުމުގެ ބަދަލުގައި ވަކިވަކި ރަށްރަށުގައި ކައުންސިލްތައް ގާއިމު ކުރަން ފެނޭތޯ ބަލަން ނެގި އާންމުންގެ ހިޔާލު ހޯދުމުގެ ވޯޓުލުމުގެ ކަންކަން ނިމިގެންދިޔައިރު ވޯޓުލުމަށް ހައްގު ލިބިފައިވާ މީހުންގެ ތެރެއިން 50 ޕަސެންޓު މީހުން ވެސް ނުކުމެފައި ނުވާކަން ތަފާސްހިސާބުތަކުން ދައްކައިފި އެވެ.

އައްޑޫ ސިޓީން އެ އަތޮޅު ފޭދޫ އާއި މީދޫ އަދި ހުޅުދޫ ވަކިވާން ފެނޭތޯ ބެލުމަށް ނަގާ އެ ވޯޓުގެ ވޯޓުލުން ފެށީ އިއްޔެ ހެނދުނު 8:00 އެވެ. ވޯޓުގެ ކިއު ބަންދުކުރީ ހަވީރު 04:00 ގަ އެވެ.

ވޯޓުލުން ކުރިއަށްދިޔައީ އައްޑޫ އާއި މާލޭގަ އެވެ. މާލޭގައި ހަތް ވޯޓު ފޮށި ބެހެއްޓިއިރު، ހުޅުދޫ އާއި މީދޫގައި، ކޮންމެ އަވަށެއްގައި ތިން ފޮށި އަދި ފޭދޫގައި ފަސް ފޮށި ބަހައްޓާފައިވެ އެވެ.

މައުޟޫޢުތަށް