މި އަހަރު ނިމުމުގެ ކުރިން ފަށަން ބުނި ހެލިކަޕްޓަރުގެ ހިދުމަތް އޮތީ ހުއްޓިފައި، ފެށޭނެ ކަމަށް ބެލެވެނީ އަންނަ އަހަރު
އަދަދު
27 އޮކްޓޯބަރު 2025 | ހޯމަ | 10:24
މިއަހަރު ނިމުމުގެ ކުރިން ފަށާނެ ކަމަށް ބުނި ހެލިކަޕްޓަރު އެމްބިއުލާންސްގެ ހިދުމަތް ފެށޭނީ އަންނަ އަހަރުގެ ތެރޭގައި ކަމަށް ޓްރާންސްޕޯޓު މިނިސްޓަރު، މުހައްމަދު އަމީން މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި މެންބަރުން ކުރި ސުވާލުތަކަށް ޖަވާބު ދެއްވަމުން އަމީން ވިދާޅުވީ ހެލިކަޕްޓަރުގެ ހިދުމަތް ދޭނެ ފަރާތެއް ހޯދުމަށް ސަރުކާރުން މިދިޔަ އަހަރު ހުޅުވާލިއިރު ބޭރުގެ ކުންފުނިތަކަށް ފޮނުވި އާރްއެފްޕީގައި ހިމަނާފައި ހުރި ބައެއް ކަންކަމާ މެދު އެ ކުންފުނިތަކުން ކަންބޮޑުވުން ފާޅުކުރި ކަމަށެވެ.
އަމީން ވިދާޅުވީ ހެލިކަޕްޓަރުގެ ހިދުމަތްދޭ ދުނިިޔޭގެ އެންމެ ބޮޑެތި ކުންފުނިތަކުގެ ތެރެއިން 36 ކުންފުނިން ރާއްޖެއިން ފޮނުވި އާރްއެފްޕީއަށް ޝައުގުވެރިކަން ފާޅުކުރި ކަމަށެވެ. ނަމަވެސް ހެލިކަޕްޓަރުގެ ހިދުމަތް ދޭއިރު، އެ ހިދުމަތުގެ ތެރެއިން ދައުލަތަށް ލިބޭ މަންފާ މާބޮޑު ކަމަށް އެ ކުންފުނިތަކުން ފާހަގަކުރި ކަމަށް އަމީން ވިދާޅުވި އެވެ.