ޖޭއެސްސީއަށް މަޖިލީހުން ކަނޑައަޅާ މެންބަރަކަށް ހުސްނީ މުބާރަކު އައްޔަނުކުރަން ފާސްކޮށްފި
އަދަދު
27 އޮކްޓޯބަރު 2025 | ހޯމަ | 12:50
ޖުޑީޝަލް ސާވިސް ކޮމިޝަނުގައި ރައްޔިތުންގެ މަޖިލިސް ތަމްސީލު ކުރައްވަމުން ގެންދެވި މާފުށި ދާއިރާގެ މެންބަރު ހުސެއިން ރިޒާ އާދަމް އެ ކޮމިޝަނުން އިސްތިއުފާ ދެއްވުމާ ގުޅިގެން އެ ކޮމިޝަނަށް މާފަރު ދާއިރާގެ މެންބަރު، ހުސްނީ މުބާރަކު އައްޔަނުކުރަން ފާސްކޮށްފި އެވެ.
ޖޭއެސްސީގައި މަޖިލިސް ތަމްސީލު ކުރައްވާ ގޮނޑިއަށް ހުސްނީ މުބާރަކު އައްޔަނުކުރުމަށް އޭނާގެ ނަން މަޖިލީހަށް ހުށަހެޅުއްވީ ޕީއެންސީގެ ޕާލަމެންޓްރީ ގްރޫޕުގެ ލީޑަރު، އިބްރާހިމް ފަލާހު އެވެ. އޭނާ ހުށަހެޅުއްވުމަށް ތާއީދު ކުރެއްވީ ވެލިދޫ ދާއިރާގެ މެންބަރު، މުހައްމަދު އައްބާސް އެވެ.
ޖޭއެސްސީގައި މަޖިލިސް ތަމްސީލު ކުރައްވާ މެންބަރަކަށް ހުސްނީ މުބާރަކު އައްޔަނުކުރަން ފާސްކުރީ 58 މެންބަރުންގެ ވޯޓުންނެވެ. އޭނާ އެ މަގާމަށް އައްޔަނުކުރަން ނުފެންނަ ކަމަށް އެއްވެސް މެންބަރަކު ވޯޓެއް ނުދެއްވަ އެވެ.