ރާއްޖޭން ހޯދީ ވަގުތީ މާލީ ކުރިއެރުންތަކެއް، ނުރައްކާ ފިލައިގެން ނުދޭ: ވޯލްޑް ބޭންކު
އަދަދު
1 ނޮވެމްބަރު 2025 | ހޮނިހިރު | 7:27
މާލީ ކަންކަން ހަރުދަނާކުރުމުގައި ސަރުކާރާއި މަރުކަޒީ ބޭންކު، އެމްއެމްއޭއިން އެޅި ފިޔަވަޅުތަކުގެ ސަބަބުން ދައުލަތުގެ މާލީ ކަންކަމާއި ރިޒާވަށް ލިބުނީ ވަގުތީ ކުރިއެރުންތަކެއް ކަމަށާއި، ދަރަންޏާއި ބޭރު ފައިސާގެ ނުރައްކާ އިހުނެކޭ އެއް ވަރަށް ދެމި އެބަ އޮތް ކަމަށް ވޯލްޑް ބޭންކުން ބުނެފި އެވެ.
ވޯލްޑް ބޭންކުން އަހަރަކު އެއް ފަހަރު ނެރޭ، މޯލްޑިވްސް ޑިވެލޮޕްމަންޓް އަޕްޑޭޓުގެ މި އަހަރުގެ ރިޕޯޓުގައި ބުނި ގޮތުގައި، ބޭރު ފައިސާގެ ލިކުއިޑިޓީ ޕްރެޝަރު ބޮޑުވެ، އަމިއްލަ ވިޔަފާރިތަކަށް ޑޮލަރު ލިބުން ދަތިވަމުން އަންނަ ކަމުގެ ހެކިތައް އަންނަނީ އިތުރުވަމުންނެވެ.
ބޭރު ފައިސާގެ ދަތިތަކާ ހުރެ، އަންނަ އަހަރުގެ އޭޕްރިލްގައި ސުކޫކަށް ދައްކަން ޖެހޭ 500 މިލިއަން ޑޮލަރު ދެއްކުމަށް ދަތިތައް އަދިވެސް ބޮޑު ކަމަށް ވޯލްޑް ބޭންކުން ބުންޏެވެ.