ނޮވެމްބަރު 3، ގައި ފާހަގަކުރާ ނަސްރުގެ ދުވަހުގެ ހަރަކާތްތަކަށް ސިފައިން ވަމުންދާ ތައްޔާރީތަކުގެ ތެރެއިން މިރޭ މާލޭގައި ބަޑިޖަހާނެ ކަމަށް އެމްއެންޑީއެފް އިން ބުނެފި އެވެ.

ސިފައިންގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނީ މިރޭ ކުރިއަށް ގެންދަން ހަމަޖެހިފައިވަނީ ނޮވެމްބަރު 3، ގެ ހަނދާނީ ބިނާގައި ދިދަޖެހުމާއި ގާޑު މައުންޓުކުރުމުގެ ފަރިތަކުރުން ކަމަށެވެ. އެ ބިނާ ހުންނަނީ ސިފައިންގެ ހުޅަނގު ދެކުނު ކަންމަތީ، ސަލްޓަން ޕާކާއި ދިމާލަށެވެ.

އެ ފަރިތަކުރުންތަކުގެ ތެރެއިން މިރޭ 8:15 އާއި 10:00 އާއި ދެމެދު ސިފައިން ބްލޭންކްސް ފަޔާ ކުރާނެ ކަމަށް، ނުވަތަ ވަޒަން ނެތި ބަޑިޖަހާނެ ކަމަށް ސިފައިން ކުރި ޕޯސްޓުގައި ބުނެފައިވެ އެވެ. ބެލެވޭ ގޮތުގައި ސިފައިން މިފަދަ ޕޯސްޓެއް ކުރީ ބަޑީގެ އަޑުގެ ސަބަބުން އާންމުންނަށް ސިހުން ލިބިދާނެތީ އެވެ.

މައުޟޫޢުތަށް