އެމެރިކާއިން ހިންގާ އަސްކަރީ ތަމްރީނެއްގައި ދިވެހި ސިފައިން ބައިވެރިވަނީ
އަދަދު
3 ނޮވެމްބަރު 2025 | ހޯމަ | 2:15
އެމެރިކާގެ އަސްކަރިއްޔާއިން މިއަދުން ފެށިގެން މި މަހުގެ 17 އާއި ހަމައަށް ކުރިއަށް ގެންދާ ތަމްރީނެއްގައި ދިވެހި ސިފައިން ބައިވެރިވެއްޖެ އެވެ.
މި އޮޕަރޭޝަން ކުރިއަށް ގެންދަނީ އެމެރިކާގެ ހަވާއީ ސްޓޭޓުގެ ރަށްތަކާއި ފިލިޕީންސްގެ ރަށެއްގަ އެވެ. މި ތަމްރީނުގައި ދިވެހި ސިފައިން ބައިވެރިވާ ކަމަށް ރިޕޯޓުކޮށްފައިވަނީ ހަވާއީގެ ނޫހަކުންނެވެ.
އެ ނޫހުން ރިޕޯޓުކޮށްފައިވާ ގޮތުގައި "ޖޮއިންޓް ޕެސިފިކް މަލްޓިނޭޝަނަލް ރެޑިނެސް ސެންޓާއިން ކުރިއަށް ގެންދާ މި ތަމްރީނުގައި އެމެރިކާ އާއި ރާއްޖޭގެ އިތުރުން ސިންގަޕޫތު، ތައިލެންޑު، މެލޭޝިއާ، ފްރާންސް އަދި ނިއުޒިލޭންޑުގެ ސިފައިން ބައިވެރިވާނެ އެވެ.