ރިކޯޑު ހަދަން ޕްރޮޖެކްޓުތައް ބަހާލަން އުޅެނީ ކޮރަޕްޝަނަށް މަގުފަހިވާ ގޮތަށް: ހުސެއިން
އަދަދު
4 ނޮވެމްބަރު 2025 | އަންގާރަ | 1:56
ރިކޯޑެއް ހެދުމުގެ ނިޔަތުގައި 200 އަށްވުރެ ގިނަ މަޝްރޫއު ބިޑަކަށް ނުލައި ބަހާލަން އުޅެނީ ކޮރަޕްޝަނަށް މަގުފަހިވާ ގޮތަށް ކަމަށް ފުވައްމުލަކު މެދު ދާއިރާގެ ކުރީގެ މެންބަރު ހުސައިން މުހައްމަދު ވިދާޅުވެއްޖެ އެވެ.
ހުސައިން އެކްސް ގައި ކުރެއްވި ޕޯސްޓެއްގައި ވިދާޅުވީ ޕްރޮޖެކްޓުތައް ބަހާލަން ސަރުކާރުން މަސައްކަތް ކުރަނީ، އެ ޕްރޮޖެކްޓުތަކުން ލިބޭ ފައިސާއިން ސަރުކާރަށް ބައެއް ދޭން އެއްބަސްވި ކުންފުނިތަކަށް ކަމަށެވެ.
"އެންމެ ގިނަޕޮރްޖެޓް އެއްދުވަހަކު ދިން ކަމުގެ ރިކޯޑް ހަދަން ދައުލަތުގެ މާލިއްޔަތު ހިތުހުރިގޮތަކަށް ކަރަޕްޝަނަށް ފަހިވާގޮތަށް ބައިއަޅައިދޭނެ ބަޔަކަށް 200 އަށްވުރެ ގިނަޕްރޮޖެކްޓް މާދަން ބަހާލަން އެބައުޅޭ،" އޭނާ ވިދާޅުވި އެވެ.