ރިކޯޑު ހެދުމަށް 200 ޕްރޮޖެކްޓެއްގައި މާދަމާ ސޮއި ކުރަނީ، ބިލިއަނުން ލޯނު ދެނީ ބީއެމްއެލްއިން
އަދަދު
6 ނޮވެމްބަރު 2025 | ބުރާސްފަތި | 12:15
ރިކޯޑެއް ހެދުމުގެ ނިޔަތުގައި ސަރުކާރުގެ 205 ޕްރޮޖެކްޓެއް އަމިއްލަ ކުންފުނިތަކާ ހަވާލުކުރުމަށްޓަކައި ސޮއިކުރުމުގެ ރަސްމިއްޔާތު މާދަމާ ބާއްވަން ނިންމައިފި އެވެ.
އައްޑޫ ހިތަދޫގައި މިރޭ ބޭއްވި ޖަލްސާގައި ރައީސް މުހައްމަދު މުއިއްޒު ވިދާޅުވީ މާދަމާ މާލޭގައި ބާއްވާ ރަސްމީއްޔާތެއްގައި 205 މަޝްރޫއެއް އަމިއްލަ ކުންފުނިތަކާ ހަވާލުކުރާނެ ކަމަށެވެ. ފުވައްމުލަކާއި އައްޑޫ ދަތުރުގެ ތެރެއިން އަށް މަޝްރޫއެއް ވެސް އަމިއްލަ ކުންފުނިތަކާ ހަވާލު ކުރެވިފައިވާ ކަމަށް އެ މަނިކުފާނު ވިދާޅުވި އެވެ.
މާދަމާ ސޮއިކުރާ މަޝްރޫއުތަކުގެ ތެރޭގައި ސިއްހީ، ތައުލީމީ، ކުޅިވަރު، އަމަން އަމާންކަން، އެހެން ދާއިރާތަކުގެ މަޝްރޫއުތައް ހިމެނޭނެ ކަމަށް މުއިއްޒު ވިދާޅުވި އެވެ.