ފުވައްމުލަކާއި އައްޑޫއަށް ކުރެއްވި ދަތުރަށްފަހު މުއިއްޒު މާލެ ވަޑައިގެންފި
އަދަދު
6 ނޮވެމްބަރު 2025 | ބުރާސްފަތި | 6:31
ފުވައްމުލަކާއި އައްޑޫ އަށް ކުރެއްވި ރަސްމީ ދަތުރަށްފަހު ރައީސް މުހައްމަދު މުއިއްޒު އެނބުރި މާލެ ވަޑައިގެންފި އެވެ.
ރައީސް އޮފީހުން ބުނި ގޮތުގައި އެމަނިކުފާނު މާލެ ވަޑައިގެންފައިވަނީ ރޭ ދަންވަރު އެވެ. މިއީ އެމަނިކުފާނު އަތޮޅުތެރެއަށް ކުރައްވަމުން ގެންދަވާ ދަތުރުތަކުގެ ތެރެއިން މި މަހުގެ ފުރަތަމަ ދަތުރެވެ.
މުއިއްޒުއާއެކު މި ދަތުރުގައި ވެސް ވަޒީރުން އަދި ސަރުކާރުގެ އިސްވެރިން ބައިވެރިވެވަޑައިގެންނެވި އެވެ. އަދި ބޭންކް އޮފް މޯލްޑިވްސް އާއި ބައެއް އެހެން ކުންފުނިތަކުގެ ވެެރިން ވެސް އެ ދަތުރުގައި ބައިވެރިވި އެވެ.