ޓެގު އަޅުވާފައި މިހާރު ތިބީ ހަތް މީހުން، ތިން މީހެއްގެ ޓެގު ނައްޓައިފި
އަދަދު
10 ނޮވެމްބަރު 2025 | ހޯމަ | 12:07
ޝަރީއަތް ނިމެންދެން ބަންދުކޮށްފައި ތިބި މީހުންގެ ތެރެއިން ޓެގު އަޅުވައި މޮނިޓާކުރާ ގޮތަށް ދޫކުރި 10 މީހުންގެ ތެރެއިން ތިން މީހެއްގެ ޓެގު ނައްޓައި ބަންދުން ދޫކޮށްލައިފި އެވެ.
ޕްރޮސެކިއުޓާ ޖެނެރަލް އޮފީސް (ޕީޖީ) ގެ ތަރުޖަމާނު ޕަބްލިކް ޕްރޮސެކިއުޓާ އަހުމަދު ޝަފީއު އަދަދު އަށް ވިދާޅުވީ ޓެގު އަޅުވައި ދޫކުރި 10 މީހުންގެ ތެރެއިން ޓެގު ނައްޓައި ތިން މީހަކު ދޫކޮށްލީ އެކި ސަބަބުތަކާ ގުޅިގެން ކަމަށެވެ.
ޓެގު އެޅުވި ތިން މީހުން ދޫކޮށްލީ އެ މީހުން ހިމެނޭ މައްސަލަތަކުގެ ހެކި ބަސް ނަގައި ނިމުމުންނާއި ހުކުމާ ހަމައަށް ދިޔުމުގެ އިތުރުން ހުކުމް ހުކުރުމުން ކަމަށް އޭނާ ވިދާޅޫވި އެވެ.