ޕީއެންސީގެ އެތެރޭގެ އިންތިހާބުގައި ވާދަކުރި ދެ މީހަކު ކޯޓުގެ ގާޒީންނަށް
އަދަދު
9 ނޮވެމްބަރު 2025 | އާދިއްތަ | 8:49
މިދިޔަ އަހަރު ބޭއްވި ރައްޔިތުންގެ މަޖިލީހުގެ އިންތިހާބުގައި ސަރުކާރު ހިންގާ ޕީއެންސީގެ ޓިކެޓު ހޯއްދެވުމަށް ޕްރައިމަރީގައި ވާދަކުރައްވައި ނާކާމިޔާބުވި ދެ ބޭފުޅަކު ގާޒީންގެ ގޮތުގައި ހަމަޖައްސައިފި އެވެ.
ޕީއެންސީގެ ޕްރައިމަރީގައި ވާދަކުރެއްވީ ކްރިމިނަލް ކޯޓަށް އައްޔަން ކުރެއްވި އަހްމަދު ޝާފިއު އާއި ކަނޑުހުޅުދޫ މެޖިސްޓްރޭޓް ކޯޓުގެ އިސް މެޖިސްޓްރޭޓަކަށް ހަމަޖެއްސެވި މުހައްމަދު ނިޝާތު އެވެ.
ޝާފިއުއަކީ ޕީއެންސީގެ ތ. ގުރައިދޫ ދާއިރާގެ ޕްރައިމަރީގައި ވާދަކުރެއްވި ބޭފުޅެކެވެ. އޭނާ ނާކާމިޔާބުވީ އެ ދާއިރާގެ މެންބަރަކަށް މިހާރު ހުންނެވި ހަނާން މުހައްމަދު ރަޝީދު (ހަންޓޭ) އާ ވާދަކޮށްގެންނެވެ.