އެމްޑީޕީން ގެނައި ހަނިމާދޫ އެއާޕޯޓު: މުއިއްޒު ވިދާޅުވީ އެއާޕޯޓާއެކު ހުޅުވޭނީ އުތުރުގެ ތަރައްގީގެ ދޮރާށި ކަމަށް
އަދަދު
9 ނޮވެމްބަރު 2025 | އާދިއްތަ | 11:46
ހަނިމާދޫ އިންޓަނޭޝަނަލް އެއާޕޯޓު ހުޅުވުމަކީ ބޮޑުތިލަދުންމަތީގެ ހުރިހާ އަތޮޅެއްގެ ތަރައްގީގެ ދޮރާށި ކަމަށް މުހައްމަދު މުއިއްޒު މިރޭ ވިދާޅުވެއްޖެ އެވެ.
ރާއްޖޭގެ އުތުރަށް ތަރައްގީގެ އިންގިލާބީ ބަދަލެއް ގެނައުމުގެ ތަސައްވުރާއެކު އެމްޑީޕީން ފެށި ހަނިމާދޫ އިންޓަނޭޝަނަލް އެއާޕޯޓް ހުޅުވުމުގެ ރަސްމިއްޔާތުގައި މުއިއްޒު ވިދާޅުވީ މިއަދު ހުޅުވިގެންދިޔައީ އުމްރާނީ ބިނާއަކަށް ވުރެ ބޮޑަށް މުޅި ބޮޑުތިލަދުންމަތީގެ ހުރިހާ އަތޮޅެއްގެ ހުރިހާ ރަށެއްގެ ރައްޔިތުންގެ ތަރައްގީގެ ދޮރާށި ކަމަށެވެ.
"އާދެ މިއަދު ހުޅުވިގެން މިދަނީ އެއާޕޯޓެއްގެ އިންފްރާސްޓްރަކްޗާއެއް ނޫން. މި އަތޮޅާއި މި ސަރަހައްދުގެ، ބޮޑުތިލަދުންމަތީގެ ހުރިހާ އަތޮޅެއްގެ ހުރިހާ ރައްޔިތުންގެ ތަރައްގީގެ ދޮރާށި،" މުއިއްޒު ވިދާޅުވި އެވެ.