ސިއްހީ ދާއިރާއަށް ހިދުމަތްކުރުމުގެ އެންމެ މަތީ ޝަރަފު މޫސާ އަންވަރަށް
އަދަދު
11 ނޮވެމްބަރު 2025 | އަންގާރަ | 10:37
ސިއްހީ ދާއިރާއަށް ހިދުމަތްކުރުމުގެ އެންމެ މަތީ ޝަރަފު އެ ދާއިރާއަށް 40 އަހަރަށްވުރެ ގިނަ ދުވަހު ހިދުމަތް ކުރެއްވި ސ. މީދޫއަށް އުފަން މޫސާ އަންވަރު (ތުއްތީދީ) އަށް މިއަދު އަރުވައިފި އެވެ.
މޫސާ އަންވަރަށް އެ ޝަރަފު އަރުވަން މުހައްމަދު މުއިއްޒު ނިންމެވީ ރާއްޖެގެ ސިއްހީ ދާއިރާގެ ކުރިއެރުމަށާއި ސިއްހީ ރޮނގުން މީހުން ބިނާކުރެއްވުމަށާއި ސިއްހީ ދާއިރާގެ އިސް މަގާމުތަކެއްގައި ހުންނަވައިގެން ރާއްޖޭގެ ސިއްހީ ދާއިރާ ތަރައްގީ ކުރެއްވުމަށާއި ސިއްހީ ރޮނގުން ރާއްޖޭގެ ރައްޔިތުން ހޭލުންތެރިކުރުވުުމަށް ކޮށްދެއްވާފައިވާ މަސައްކަތްތަކުގެ އަގުވަޒަން ކުރެއްވުމުގެ ގޮތުންނެވެ.
މޫސާ އަންވަރަކީ އުމުރުން 16 އަހަރުގައި އައްޑޫ ސިޓީ ގަމުގައި އިނގިރޭސިން ތިބި ދުވަސްވަރު އެތަނުގައި ހުރި ރޯޔަލް އެއާފޯސްގެ ރީޖަނަލް މެޑިކަލް ސެންޓަރުގައި ހިދުމަތް ފެއްޓެވި ބޭފުޅެކެވެ. އޭރު އެ ފުރުސަތު އެބޭފުޅާއަށް ލިބިވަޑައިގެންނެވީ އިނގިރޭސި ބަސް ރަނގަޅަށް އެނގިވަޑައިގަންނަވާތީ އެވެ.