ބިލިއަނުން ބަޖެޓު އިތުރުވަނީ ރައްޔިތުން އަގުބޮޑު ކަންކަމަށް އެދ މުއިއްޒު ކައިރި ކިޔާތީ ކަމަށް ސައުދުﷲ ވިދާޅުވެއްޖެ
އަދަދު
12 ނޮވެމްބަރު 2025 | ބުދަ | 10:47
އެއް އަހަރުން އަނެއް އަހަރަށް ދައުލަތުގެ ބަޖެޓު ބިލިއަނުން ބޮޑުވަނީ ރައީސް މުހައްމަދު މުއިއްޒުގެ އަރިހުގައި ރައްޔިތުން އަގު ބޮޑު ތަރައްގީގެ މަޝްރޫއުތަކަށް އެދޭތީ ކަމަށް ތިނަދޫ އުތުރު ދާއިރާގެ މެންބަރު ސައުދުﷲ ހިލްމީ ވިދާޅުވެއްޖެ އެވެ.
ބަޖެޓަށް ބަހުސް ކުރައްވަމުން ސައުދުﷲ ވިދާޅުވީ 80 ގެ އަހަރުތަކުގައި ރާއްޖޭގެ ބަޖެޓު މިލިއަނުން ގުނާލެވޭ ކަމަށާއި މިހާރު އެ އަދަދު އެތައް ބިލިއަނަކަށް އަރައިގެންދާ ސަބަބަކީ ރައްޔިތުންގެ ބޭނުންވާ ކަންކަން ބަދަލުވުން ކަމަށެވެ.
މިސާލު ޖައްސަވައި ސައުދުﷲ ވިދާޅުވީ، އޭރު ރައްޔިތުން ވެރިން ކައިރި އެދެނީ މިސްކިތުގަ ބައްތި ދިއްލާނެ ތެޔޮ ފޮދަކާއި މިސްކިތަށް ކުނަލަކާއި މިސްކިތުގެ ވަޅަށް ދާންޏެއް ހޯދަން ކަމަށެވެ.