މުއިއްޒުގެ ސިޔާސީ އެއްވުމަށް އިސްކަން ދިނުމަށް ހުކުރު ދުވަހު ހެލްތު އެކްސްޕޯ ނުބާއްވަން ނިންމައިފި
އަދަދު
13 ނޮވެމްބަރު 2025 | ބުރާސްފަތި | 8:08
ރައީސް މުހައްމަދު މުއިއްޒު ބައިވެރިވެވަޑައިގަންނަވާ ޕީއެންސީގެ ޖަލްސާ އަށް އިސްކަން ދިނުމަށްޓަކައި، ހުކުރު ދުވަހު ހެލްތު އެކްސްޕޯ ނުބާއްވަން ނިންމައިފި އެވެ.
ދުޅަހެޔޮ އާދަތަކަށް ހޭލުންތެރިކުރުމުގެ މަގުސަދުގައި ހެލްތު މިނިސްޓްރީން ބާއްވާ ތިން ދުވަހުގެ މި އެކްސްޕޯ ހުޅުމާލޭ ސެންޓްރަލް ޕާކްގައި ބޭއްވުމަށް ކުރިން ރާވާފައި އޮތީ ނޮވެމްބަރު 13-15 އަށެވެ. ނަމަވެސް ހުކުރު ދުވަސް ކެންސަލް ކުރުމަށް ފަހު، އެކްސްޕޯގެ ނިންމުން އާދީއްތަ ދުވަހަށް ވަނީ ފަސްކޮށްފަ އެވެ.
"މިގޮތަށް ފަސްކުރީ ޕީއެންސީގެ ޖަލްސާ އަށް އިސްކަން ދޭން،" މި އެކްސްޕޯގެ މައުލޫމާތު އެނގޭ ސަރުކާރުގެ އޮފިޝަލަކު ވިދާޅުވި އެވެ.