ތެލެސީމިއާ ކުދިންނަށް އަންނަ އަހަރުން ފެށިގެން 2000ރ. ދޭން ފަށާނެ ކަމަށް މުއިއްޒު ވިދާޅުވެއްޖެ
އަދަދު
15 ނޮވެމްބަރު 2025 | ހޮނިހިރު | 4:29
ތެލެސީމިއާ ބަލި ތަހައްމަލު ކުރަމުންދާ މީހުންނަށް އަންނަ އަހަރުން ފެށިގެން ކޮންމެ މަހަކު 2000ރ. ދޭން ފަށާނެ ކަމަށް ރައީސުލްޖުމްހޫރިއްޔާ މުހައްމަދު މުއިއްޒު ވިދާޅުވެއްޖެ އެވެ.
ވެރިކަން ކުރާ ޕީއެންސީން އާޓިފިޝަލް ބީޗު ސަރަހައްދުގައި ރޭ ބޭއްވި ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ ތެލެސީމިއާ ބަލި ތަހައްމަލު ކުރާ މީހުންނަށް 2000ރ. ގެ އެލެވެންސެއް ދިނުމަށް އަންނަ އަހަރަށް ލަފާކުރާ ބަޖެޓުގައި ހިމަނާފައިވާނެ ކަމަށެވެ.
"ތެލެސީމިއާ ކުދިންނަށް 2000ރ. ގެ އެލަވެންސެއް އަޅުގަނޑުމެން މި ކަނޑައެޅީ، 2000ރ. ގެ އެލެވެންސެއް ތެލެސީމިއާ ކުދިންނަށް ކުރިއަށް އޮތް ބަޖެޓުގެ ތެރެއިން ފެށިގެން ލިބެމުން ދާނެ،" މުއިއްޒު ވިދާޅުވި އެވެ.