ގޮޅިން ނިކުމެ އަޑުއެހުމަށް ދާން ބައްސާމް ދެކޮޅު ހަދައިފި
އަދަދު
16 ނޮވެމްބަރު 2025 | އާދިއްތަ | 11:12
ނުވަ އަހަރުގެ ޖަލު ހުކުމެއް ތަންފީޒުކުރަމުން އަންނަ އެފްއޭއެމްގެ ކުރީގެ ރައީސް ބައްސާމް އަދީލް ޖަލީލު ގޮޅިން ނިކުމެ އޭނާގެ މައްޗަށް އުފުލާފައިވާ އިތުރު ދެ ދައުވާއެއްގެ އަޑުއެހުމަށް ކްރިމިނަލް ކޯޓަށް ހާޒިރުވާން ދެކޮޅު ހަދައިފި އެވެ.
އަދަދު އަށް އެނގިފައިވާ ގޮތުގައި މިއަދު 8:15 ގައި ފެށުމަށް ހަމަޖެހިފައިވާ ޝަރީއަތަށް ބައްސާމް ހާޒިރުކުރަން އޭނާ ގޮޅިން ނެރެން ކަރަކްޝަންސްގެ އޮފިސަރުން އުޅުމުން ވަނީ ހުރަސް އަޅާފަ އެވެ.
ނަމަވެސް ފަހުން ގޮޅިން ނިކުންނަން އެއްބަސްވެގެން އޭނާ މިހާރު ކްރިމިނަލް ކޯޓަށް ހާޒިރު ކުރުމުގެ މަސައްކަތް ކުރަމުންދާ ކަމަށް ވަނީ އެނގިފަ އެވެ.