ފުވައްމުލައް ފެނަށް ޖެހުނީ ކުރީ ދެ ސަރުކާރުގެ އިހުމާލުން ކަމަށް ފަޒާދު ވިދާޅުވެއްޖެ
އަދަދު
16 ނޮވެމްބަރު 2025 | އާދިއްތަ | 1:29
ފުވައްމުލަކުގެ ފެނުގެ ނިޒާމަށް ބޮޑެތި މައްސަލަތަކެއް ކުރިމަތިވެ، ފެން ތަޣައްޔަރުވުމުން އެ ސިޓީން ފެން ކަނޑާލައި، ބޮޑު އާބާދީއެއް ފެނަށް ޖެހުނީ ކުރީ ދެ ސަރުކާރުގެ އިހުމާލުން ކަމަށް ދޭހަވާ މޭރުމަކުން ފުވައްމަލުކު މެދު ދާއިރާގެ މެންބަރު އަލީ ފަޒާދު ވިދާޅުވެއްޖެ އެވެ.
ބަޖެޓު ބަހުސްގައި ވާހަކަ ދައްކަވަމުން ފަޒާދު ވިދާޅުވީ ވޭތުވެދިޔަ ހަފުތާ ނޫސްތަކުގެ ފަލަ ސުރުހީތަކަށް ފުވައްމުލަކު ފެނުގެ ނިޒާމުގެ މައްސަލަ އެރި ކަމަށާއި އެ ނިޒާމަށް އިހުމާލުވީ ނިމިދިޔަ ދެ ސަރުކާރުން ކަމަށެވެ.
"މިދިޔަ ހަފުތާގައި ފަލަ ސުރުހީގައި އޮތީ ފުވައްމުލަކު ފެނުގެ ނިޒާމުގެ ވާހަކަ. ފުވައްމުލަކުގެ ފެނުގެ ނިޒާމަކީ ނިމިދިޔަ ދެ ސަރުކާރުން ހަމަ އިހުމާލުވެފައިވާ ކަމެކޭ އަޅުގަނޑު ދަންނަވާނީ،" ފަޒާދު ވިދާޅުވި އެވެ.