ސަރުކާރަށް ދެ އަހަރު ފުރުން ފާހަގަ ކުރުމަށް ރޭ ސޯޝަލް ސެންޓަރުގައި ވާހަކަ ދައްކަވަމުން، އޯލެވެލް ނިންމާ ދަރިވަރުން ފާސްވާ ޕަސެންޓޭޖު އިތުރުވެއްޖެ ކަމަށް ވިދާޅުވެ ރައީސް މުހައްމަދު މުއިއްޒު ވާހަކަ ދެއްކެވީ ކަމުގެ ހަގީގަތް އޮޅުވާލައިގެންނެވެ.

ރޭގެ ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ ގްރޭޑު 10 އެއް ނިންމާ ދަރިވަރުން ހަދާ އޯލެވެލް އިމްތިހާނުގައި ފާސްވާ ކުދިންގެ އަދަދު މިދިޔަ ދެ އަހަރުގެ ތެރޭގައި އިތުރުވެފައިވާ ކަމަށެވެ. އެގޮތުން، ފާސްވާ ދަރިވަރުންގެ ޕަސެންޓޭޖު 31 ޕަސެންޓުން 49 ޕަސެންޓަށް އުފުލިފައިވާ ކަމަށް މުއިއްޒު ވިދާޅުވި އެވެ.

"އަޅުގަނޑުމެން ހަވާލުވި އިރުގައި ގްރޭޑް 10 އެއް ނިންމާ ކުދިންގެ ޕާސް ޕަސެންޓޭޖް ވަރަށް ދަށް. އެހެން ނަމަވެސް އަޅުގަނޑުމެން މި ކުރާ މަސައްކަތުގެ ނަތީޖާއެއްގެ ގޮތުން މިހާރު ޕާސް ޕަސެންޓޭޖް މި ވަނީ މަތި ކުރެވިފަ،" ރައީސް ވިދާޅުވި އެވެ.

މައުޟޫޢުތަށް