މި ސަރުކާރުން ދަރަނި ނަގަނީ އެ ދަރަންޏެއް ދެއްކޭނެ ގޮތްތައް ހޯދައިގެން ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.

މިހާރު ރައްޔިތުންގެ މަޖިލީހަށް ހުށަހަޅާފައިވާ ބަޖެޓުގެ ބަހުސްގައި ބައިވެރިވުމަށް ޒަމީރު މިއަދުގެ މަޖިލީހަށް ވަޑައިގެން ގެންދަވަނީ ވާހަކަދައްކަވަމުންނެވެ. އެގޮތުން ދެވަނަ ފުރުސަތުގައި ވާހަކަދައްކަވަމުން ޒަމީރު ވަނީ ކުރީގެ ސަރުކާރުތަކުން ލޯނުތައް ނެގީ އެ ދެއްކޭނެ އެއްވެސް އުސޫލެއް އަދި މެކޭނިޒަމެއް ބެލުމެއްނެތި ކަމަށް ވިދާޅުވެ އެ ސަރުކާރުތަކަށް ފާޑުވިދާޅުވެފަ އެވެ.

"ކުރިން. އަޅުގަނޑު ކުރިން ދެންނެވިހެން، 250 މިލިއަން ޑޮލަރު ނެގިއިރު އޭތި ދައްކާނެ ގޮތަކަށް އަޅުގަނޑުމެން ސީދާ ގޮތްތަކެއް ރޭވިފައެއް ނެތް. ހަމައެއާއެކު 250 މިލިއަން ޑޮލަރު 500 މިލިއަން ޑޮލަރަށް ބަދަލުވެގެން ދިޔައިރު އެ 500 މިލިއަން ޑޮލަރު ދައްކާނެ ހަމަ އެއްވެސް ގޮތެއް ނެތް،" ޒަމީރު ވިދާޅުވި އެވެ.

މައުޟޫޢުތަށް