އަތޮޅު ކައުންސިލްތައް އުވައިލުމާ ދެކޮޅަށް ކުޑަހުވަދޫ ރައްޔިތުން މުޒާހަރާކޮށްފި
އަދަދު
22 ނޮވެމްބަރު 2025 | ހޮނިހިރު | 11:03
އަތޮޅު ކައުންސިލްތައް އުވައިލުމަށް ސަރުކާރުން ހުށަހަޅާފައިވާ އިސްލާހާ ދެކޮޅަށް ދ. ކުޑަހުވަދޫ ރައްޔިތުން އިއްޔެ މުޒާހަރާކޮށްފި އެވެ.
އިއްޔެ ހަވީރު ކުޑަހުވަދޫ ބަނދަރު ސަރަހައްދުގައި ކުރިއަށް ގެންދިޔަ މުޒާހަރާގައި އެ ރަށުގެ އެކި ފިކުރުގެ އެކި އުމުރުފުރައިގެ މީހުން ބައިވެރިވި އެވެ.
ލާމަރުކަޒީ ގާނޫނަށް ގެންނަން ހުށަހަޅާފައިވާ އިސްލާހުގެ ސަބަބުން ޒަމާނުއްސުރެ ދ. އަތޮޅުގެ ވެރިކަން ކުރާ ރަށުގެ ގޮތުގައި ކުޑަހުވަދޫ އޮތްއޮތުން ނިމުމަކަށް އަންނާނެތީ އިއްޔެ ކުޑަހުވަދޫގައި ކުރިއަށް ގެންދިޔަ މުޒާހަރާގެ ބައިވެރިން ވަނީ ކަންބޮޑުވުން ފާޅުކޮށްފަ އެވެ.