އަންނަ ޑިސެމްބަރު މަހު މުއިއްޒު ސްރީ ލަންކާއަށް ވަޑައިގަންނަވަނީ
އަދަދު
24 ނޮވެމްބަރު 2025 | ހޯމަ | 8:34
ފުރަމާނަ ދަތުރެއްގައި އަންނަ ޑިސެމްބަރު މަހު ރައީސް މުހައްމަދު މުއިއްޒު ސްރީ ލަންކާއަށް ވަޑައިގަންނަވާ ގޮތަށް ހަމަޖެހިފައިވާ ކަމަށް އެ ގައުމުގެ ނޫސްތަކުން ބުނެފި އެވެ.
ލަންކާގެ އިކޮނޮމީ ނެކްސްޓުގައި ބުނެފައި ވަނީ މުއިއްޒު އެ ގައުމަށް ވަޑައިގަންނަވާނީ ޑިސެމްބަރު މަހުގެ ދެ ވަނަ ހަފުތާގައި ކަމަށެވެ. މުއިއްޒަށް ލަންކާއަށް ވަޑައިގަންނަވަނީ އެ ގައުމުގެ ރައީސް އަނޫރާ ކުމާރަ ޑިސަނަޔަކެގެ ދައުވަތަކަށެވެ.
މުއިއްޒުގެ ދަތުރުގައި، ވިޔަފާރި އާއި އިގްތިސާދާއި ފަތުރުވެރިކަމާއި މައުލޫމާތު ބަދަލު ކުރުމާ ގުޅޭ ހަ އެއްބަސްވުމެއްގައި ސޮއި ކުރައްވާނެ ކަމަށް ނޫސްތަކުން ބުނެ އެވެ. ދަތުރުގެ މުއްދަތަކީ ތިން ދުވަސް ކަމަށް ނޫސްތަކުން ބުނެ އެވެ.