ޓްރޭނިން އެއްބަސްވުމެއްގައި އައިއެމްސީޓީސީ އާއި ޑިފެންސް މިނިސްޓްރީން ސޮއިކޮށްފި
އަދަދު
25 ނޮވެމްބަރު 2025 | އަންގާރަ | 10:39
އިސްލާމިކް މިލިޓަރީ ކައުންޓަރ ޓެރަރިޒަމް ކޯލިޝަނުން (އައިއެމްސީޓީސީ) އިން ރާއްޖެ އަށް ހާއްސަ އަސްކަރީ ދާއިރާގެ ދެ ޕްރޮގްރާމެއް ތައާރަފުކޮށް، ތަމްރީނު ދިނުމުގެ އެއްބަސްވުމެއްގައި ޑިފެންސް މިނިސްޓްރީއާއެކު ސޮއިކޮށްފި އެވެ.
މި އެއްބަސްވުމުގެ ދަށުން އަސްކަރީ އަދި ޓެކްނިކަލް ތަމްރީނުތައް ދިނުމަށާއި، ތަޖްރިބާތައް ހިއްސާކުރާނެ ކަމަށާއި އަދި ނުރައްކާތަކާ ކުރިމަތިލެވޭ ވަރުގެ ގުޅިފައިވާ ގާބިލިއްޔަތުތައް އުފައްދާނެ ކަމަށް ވެސް އައިއެމްސީޓީސީ ބުންޏެވެ.
ރާއްޖެއަށް ހާއްސަކޮށްގެން ތައާރަފުކުރި "ކޮމްޕިޓެންސް" އަދި "ސައިބަރ" ޕްރޮގްރާމުން އެނގިގެން ދަނީ ރާއްޖެއާއެކު އުފެދިފައިވާ އެއްބާރުލުމުގެ ރާސްތާގައި މުހިއްމު ހިސާބަކަށް ދެވުން ކަމަށް ވެސް އެ ޖަމާއަތުން ބުނެ އެވެ.