ބޭސް ސިޓީއަށް ސަލާން ޖެހުން އާންމުވާތީ ކުޑޫ ހުށަހެޅި ކުއްލި މައްސަލަ ބޭރުކޮށްލައިފި
އަދަދު
26 ނޮވެމްބަރު 2025 | ބުދަ | 11:07
އާންމު ރައްޔިތުންނަށް ބޭސް ލިބުން ދަތިވެ، އެތައް ބައެއްގެ ފުރާނައަށް ނުރައްކާވާ ހިސާބަށް ގޮސްފައިވާ މައްސަލަ ސަރުކާރުގެ ސަމާލުކަމަށް ގެނައުމަށް ޓަކައި ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ހުށަހެޅި ކުއްލި މައްސަލަ ބޭރުކޮށްލައިފި އެވެ.
އެމްޑީޕީއަށް ނިސްބަތްވާ ކުޑޫ ހުށަހެޅި މައްސަލައަށް ބަހުސް ކުރުމަށް ވޯޓު ދިނީ 11 މެންބަރުންނެވެ. ޕީއެންސީގެ މެޖޯރިޓީ އޮންނަ މަޖިލީހުގެ 36 މެންބަރުން ވޯޓުން ދިނީ އެ މައްސަލަ ބޭރުކޮށްލުމަށެވެ.
"އާންމު ރައްޔިތުންނަށް ބޭސް ލިބުން އިންތިހާއަށް ދަތިވެފައި މިވަނީ، އާސަންދަ ރިފޯމް ކުރުމުގެ ނަމުގައި، އެއްވެސް ރޭވުންތެރިކަމެއް ނެތި ސަރުކާރުން ނިންމި ނިންމުންތަކެއްގެ ސަބަބުން،" އެ މައްސަލާގައި ބުނެފައިވެ އެވެ.