ތޫފާން ޑިޓުވާ: ނުވަރަ އެލިޔާއަށް ދިޔަ ދިވެހި އާއިލާއެއްގެ ހަބަރެއް ނުވެގެން ހޯދަނީ
އަދަދު
28 ނޮވެމްބަރު 2025 | ހުކުރު | 4:28
ނުވަރަ އެލިޔާއަށް ދިޔަ ދިވެހި އާއިލާއެއްގެ ހަބަރެއް ނުވެގެން ސްރީ ލަންކާގައި ހުންނަ ދިވެހި އެމްބަސީއަށް ރިޕޯޓުކޮށްފި އެވެ.
ތޫފާން ޑިޓުވާގެ ސަބަބުން ލަންކާއަށް ބޮޑެތި ގެއްލުންތަކެއްވެ، 56 މީހުން މިހާތަނަށް މަރުވެފައިވާއިރު، ދިވެހި އެމްބަސީއިން ދަނީ ލަންކާގައި ދިރިއުޅޭ އާއިލާތަކުގެ ސަލާމަތީ ކަންކަން ގާތުން ބަލަމުންނެވެ.
ލަންކާގައި ހުންނަވާ ރާއްޖޭގެ ސަފީރު މަސްއޫދު އިމާދު ވިދާޅުވީ ލަންކާއަށް ދިޔަ އާއިލާއެއްގެ ހަބަރެއް ނުވެގެން މާލެއިން ރިޕޯޓެއް ލިބިފައިވާ ކަމަށެވެ. އަދި އެކަން ވަރަށް ގާތުން މިހާރު ބަލަމުންދާ ކަމަށް އޭނާ ވިދާޅުވި އެވެ.