ސަނީ އުމަރުގެ މައްޗަށް ކުރާ ޖިންސީ ގޯނާގެ ތުހުމަތުތައް ފުލުހުން ތަހުގީގުކުރަނީ
އަދަދު
30 ނޮވެމްބަރު 2025 | އާދިއްތަ | 8:58
މޯލްޑިވްސް ހަލާލް ޓޫރިޒަމް ބްރޭންޑުގެ ދަށުން ފަތުރުވެރިކަމުގެ ދާއިރާގެ ހަބަރުތައް ގެނެސްދޭ އަދި ޓްރެވަލް އެޖެންސީއެއް ހިންގުމުގައި އިސްކޮށް މަސައްކަތް ކުރާ ޑރ. ސަނީ އުމަރުގެ މައްޗަށް ކުރެވޭ ޖިންސީ ގޯނާގެ ތުހުމަތުތައް ތަހުގީގު ކުރަމުންދާ ކަމަށް ފުލުހުން ބުނެފި އެވެ.
ޕީއާރު ފާމު "ދަ ޓްރެވެލެ ގައިސް ޕްރައިވެޓް ލިމިޓެޑް" ކުންފުނީގެ ހިއްސާ އޮންނަ ސަނީގެ މައްޗަށް ތުހުމަތުކުރެވެނީ އޭނާގެ އަންހެނުންގެ އާއިލާގެ ތިން ކުއްޖަކަށް ޖިންސީ ގޯނާ ކުރި ކަމަށެވެ. ބައެއް މީޑިއާތަކުން ރިޕޯޓުކޮށްފައިވާ ގޮތުގައި އަދި ސޯޝަލް މީޑިއާގައި އަޑު ފެތުރިފައިވާ ގޮތުގައި ސަނީ ޖިންސީ ގޯނާ ކުރީ ދެ އަންހެން ކުއްޖަކާއި ފިރިހެން ކުއްޖެކަށެވެ.
މީގެތެރެއިން ފިރިހެން ކުއްޖާ އަދި އެއް އަންހެން ކުއްޖަކަށް 18 އަހަރު ނުވާއިރު ދެން ހުރި ކުއްޖާއަށް އޭނާ ޖިންސީ ގޯނާ ކުރީ އުމުރުން 18 އަހަރު ނުވަނީސް ކަމަށް އަޑުފެތުރިފައިވެ އެވެ.