އާރްޓީއައި މެދުވެރިކޮށް މައުލޫމާތު ހާމަކުރަން ބޮޑު ހަރަދެއް ހިނގާ: އިހުސާން
އަދަދު
2 ޑިސެމްބަރު 2025 | އަންގާރަ | 3:10
ރައިޓް ޓު އިންފޮމޭޝަން (އާރްޓީއައި) މެދުވެރިކޮށް މައުލޫމާތު ހާމަކުރަން ބޮޑު ހަރަދެއް ހިނގާ ކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން އިއްޔެ ވިދާޅުވެއްޖެ އެވެ.
އެމްއެންޔޫގެ ދަރިވަރުންތަކެއް އިސްނަގައިގެން ބޭއްވި "ނޯ-ކެޕް ޖަސްޓް ފެކްޓްސް" ފޯރަމްގައި އިހުސާން ވިދާޅުވީ އާރްޓީއައި މެދުވެރިކޮށް މައުލޫމާތުތައް ހާމަކުރަން ބޮޑު ހަރަދެއް ހިނގާއިރު އެކަމަށް ގިނަ ގައުމުތަކުގައި އަގެއް ނަގާ ކަމަށެވެ.
"ދުނިޔޭގެ 130 އަކަށްހާ ގައުމެއްގައި މިހާރު ކޮންމެވެސް ފޯމް ޝޭޕެއްގައި އެބައޮވޭ ރިކުއެސްޓް ޓު އިންފޮމޭޝަން ގާނޫނީ ގޮތުން އޮނިގަނޑެއްގެ ތެރެއިން ގެނެސްފައި. އޮންނައިރު އޭގެ ތެރެއިން ވަރަށް ގިނަ ގައުމުތަކުގައި މިހާރު ޗާޖު ކުރޭ އެ މައުލޫމާތަށް. އެ ޕޭ ކުރަން ޖެހޭ ކޮންމެވެސް ވަރެއް. ސަބަބަކީ އިޓް އިންވޯލްވްސް އަ ކޯސްޓް އޭގެ ބެކް އެންޑުގައި،" މިނިސްޓަރު ވިދާޅުވި އެވެ.